(એજન્સી) તા.૨૦
અમેરિકન પ્રમુખ ડોનાલ્ડ ટ્રમ્પ ઇચ્છે છે કે તેમનું નવું પીસ બોર્ડ દાવોસ ઇકોનોમિક ફોરમમાં ધૂમ મચાવે, પરંતુ ટ્રમ્પની આ નવી શૈલીની રાજદ્વારી માટેનો તેમનો ટેસ્ટ કેસ, ગાઝાનું વાસ્તવિક આંતરરાષ્ટ્રીયકરણ, ઇઝરાયેલને પરેશાન કરી રહ્યું છે. ટ્રમ્પ ગુરૂવારે સ્વિટ્‌ઝર્લૅન્ડમાં દાવોસ ફોરમમાં તેમના ‘બોર્ડ ઓફ પીસ’નું અનાવરણ કરવાની યોજના ધરાવે છે. બોર્ડમાં અમેરિકન સેક્રેટરી ઑફ સ્ટેટ માર્કો રુબિયો અને એમ્બેસેડર સ્ટીવ વિટકોફ જેવા ટ્રમ્પના મુખ્ય સાથીઓનો સમાવેશ થાય છે. અમેરિકન અબજોપતિ માર્ક રોવાન પણ સભ્ય છે અને મોરોક્કોના રાજા મોહમ્મદ છઠ્ઠા તેમની ભાગીદારીની ખાતરી કરનારા પ્રથમ વિશ્વ નેતા બન્યા છે. બોર્ડના ચાર્ટરમાં ગાઝાનો ઉલ્લેખ નથી, પરંતુ મેરીલેન્ડ યુનિવર્સિટીના મધ્ય પૂર્વ અને સુરક્ષા નિષ્ણાત મારવા માઝિયાદે મિડલ ઇસ્ટ આઇને જણાવ્યું કે ટ્રમ્પ સ્પષ્ટપણે વિનાશકારી પ્રદેશને બોર્ડના પ્રથમ ‘ફ્રેન્ચાઇઝી’ તરીકે જુએ છે. તેમણે જણાવ્યું કે તેઓ આ બોર્ડ ખ્યાલને ગાઝા, પછી વેનેઝુએલા અને યુક્રેનમાં લઈ જવા માંગે છે. તેઓ વિવિધ દેશોમાં જશે અને તેમને બોર્ડમાં જોડાવા અથવા યુદ્ધ અને સંઘર્ષનો સામનો કરવા કહેશે. રોવાન, વિટકોફ અને ટ્રમ્પના જમાઈ, જેરેડ કુશનર સહિત કેટલાક વ્યક્તિઓનો સમાવેશ ટ્રમ્પના બોર્ડ ઓફ પીસમાં થાય છે, જે ગાઝાનું સંચાલન કરવા માટે સ્થાપિત એક એક્ઝિક્યુટિવ બોર્ડ છે. પરંતુ પૂર્વ સ્ટેટ ડિપાર્ટમેન્ટ મંત્રીણાકાર એરોન ડેવિડ મિલરે સ્ઈઈને જણાવ્યું કે, કોર્પોરેટ હોદ્દાઓને રાજદ્વારીમાં લાવવાના ટ્રમ્પના શોખ ઉપરાંત, પીસ બોર્ડ ગાઝામાં નાજુક યુદ્ધવિરામને મજબૂત બનાવવાના મુશ્કેલ કાર્યથી વિચલિત થવાનું કારણ છે. તેમણે જણાવ્યું કે ‘આ એક એવી સમસ્યાનો ખોટો ઉકેલ છે જે આપણી પાસે પણ નથી, પીસ બોર્ડ ગાઝાને પ્રથમ તબક્કામાંથી બીજા તબક્કામાં ખસેડશે નહીં.’ તેમણે ઉમેર્યું કે, ‘ગાઝામાં, તમારે ટ્રમ્પને ઇઝરાયેલ પર પોતાનો પ્રભાવ પાડવાની અને કતાર, તુર્કી અને ઇજિપ્તને હમાસ પર પોતાનો પ્રભાવ પાડવાની જરૂર છે.’ મિલરે જણાવ્યું કે ગાઝામાં નવા આંતરરાષ્ટ્રીય ખેલાડીઓ લાવવાની ટ્રમ્પની વૃત્તિ નેતાન્યાહૂ માટે હાર સાબિત થશે. ‘જો ગાઝાનું આંતરરાષ્ટ્રીયકરણ થઈ શકે છે, તો કબજે કરેલા વેસ્ટ બેંકનું આંતરરાષ્ટ્રીયકરણ કેમ ન થઈ શકે ?’ ‘નેતાન્યાહૂ આ છેલ્લી વસ્તુ ઇચ્છે છે.’